MADRID WAAMBULIA KICHAPO CHA BAO 2-1 KUTOKA KWA VALENCIA

Valencia wamesitisha mbio za Real Madrid za kushinda michezo 22 bila kufungwa katika mashindano mbalimbali msimu huu baada ya kutoka nyuma na kuibuka na ushindi wa bao 2-1 na kuweka mbio za La Liga msimu huu kuwa wazi


Madrid ambao walisafiri mpaka Estadio de  Mestalla walikuwa wa kwanza kundika bao kwa mkwaju wa penati kupitia kwa Ronaldo ambaye anafunga bao la 26 la La Liga msimu huu

Ronaldo(Real Madrid) akihamaki baada ya kukosa bao katika mchezo dhidi ya Valencia ambapo madrid walilila kwa kichapo cha bao 2-1 katika uwanja huo wa Estadio de Mestalla

Lakini baada ya muda mchache tu kipindi cha pili kuanza Valencia waliweza kusawazisha kupitia kwa Antonio Barragan's kunako dakika ya 52, ikiwa ni bao l;ake la kwanza la  La Liga la kushambulia tangu Machi 2007

Vijana hao wa Nuno Espirito Santo's waliandika bao la pili kunako dakika ya 65 ya mchezo kupitia kwa Nicolas Otamendi baada ya kupokea mpira safi wa kona uliyochongwa na Dani Parejo's na kujitwisha kichwa safi kilichomsinda Iker Casillas na kuwafanya Valencia kuibuka na alama hizo tatu na kuwafanya sasa kupanda mpaka nafasi ya nne na kuwaondoa Sevilla katika nafasi hiyo